自助餐 任食貴格鮑魚花膠

不少人都愛食自助餐，貪其選擇豐富，一次過試盡矜貴食材。重開後的JW咖啡室繼續是buffet迷的好選擇，除了生猛海鮮如波士頓龍蝦、鱈蟹腳、咖啡蟹、青口、格陵蘭紅蝦和東風螺外，還可任食矜貴的中菜佳餚，當中包括冬菇炆原隻鮑魚、上湯燴花膠、紅燒蠔油海參、蒸龍躉、焗釀蟹蓋和波士頓龍蝦鉗燴伊麵等等，回本無難道！甜品必試原創的Hong Kong Opera Cake香港歌劇院蛋糕，混合茶葉和咖啡，帶出鴛鴦的感覺，富有本土風味。環境方面亦充滿香港特色，牆身掛有一幅大型的黑白維港相片，而12人VIP房牆上也拼砌出香港地圖，相當有心思。
文章來源：http://ift.tt/1RTa3V9